أنواع الغرز الجراحية وملاحظاتها
Suture Techniques & Types
البسيطة، المرتبة الرأسية والأفقية، نصف المرتبة، المقلوبة، تحت الجلد، وخياطة الجرح العميق طبقة طبقة.
ما هو المرض؟
الخياطة بتتعلّم عملياً بالتدريب المتكرر تحت إشراف، والجزء ده ملخص لأنواع الغرز وملاحظات بتخلي الجرح يطلع شكله أحسن. الغرز أنواعها:
- بسيطة (Simple): منفصلة (interrupted) أو مستمرة (continuous)
- مقلوبة (Inverted)
- مرتبة (Mattress): رأسية (vertical)، أفقية (horizontal)، نصف مدفونة (half/hidden)
- تحت الجلد (Subcuticular): منفصلة أو مستمرة
الأعراض والعلامات
1) الغرزة البسيطة المنفصلة (Simple interrupted)
هي أكتر غرزة تجميلية. بنشتغل بطريقة التنصيص: نبدأ من نص الجرح عشان نضمن تظبيط الحواف مع بعضها، ونفضل نصنّص كده بطول الجرح.
- لازم الإبرة تدخل عمودية (Perpendicular).
- نحرك الماسك والإبرة من الكوع (Elbow) مش المعصم (Wrist).
- لازم العقد تبقى على نفس الناحية.
- لو شغال في حتة فيها شعر خلي العقدة ناحية الشعر عشان ما تبانش.
2) المرتبة الرأسية (Vertical mattress)
- الجرح اللي حوافه بعيدة عن بعضها (Gapped wound)
- الجرح اللي فيه نزيف شديد (Bleeding wound)
- الجرح اللي على مفصل وهيبقى مشدود (Wound on joint)
3) المرتبة الأفقية (Horizontal mattress)
تُستخدم في جرح الكف وباطن القدم (Palm & Sole) وتمزق العضلة (muscle tear).
4) نصف المرتبة (Half mattress)
تُستخدم في الرفرف المثلثي (Triangular flap): ندخل من طرف الجرح ملتقط سمك جزئي (Partial thickness) قصاد قمة المثلث، ونكمل في قمة المثلث (أقل مكان واصله دم) Subcuticular، ونطلع من الناحية التانية Partial thickness. باقي الغرز نستخدمها عادي: Simple على ضلعين المثلث.
5) الغرزة المقلوبة (Inverted suture)
للجرح العميق (Deep wound): تظبط الجلد قصاد بعضه وتخيط جوه مظبوط. ممكن تاخد غرزة على الجلد من برة تُسمى Stay suture لتثبيت الأنسجة.
6) تحت الجلد المستمرة (Subcuticular continuous)
- بتُستخدم في الجرح النضيف لأنه معرض للعدوى بسهولة، ولذلك تُستخدم عادة في تقفيل العمليات، وأحياناً في الخياطات البسيطة بس بناخد غرز Simple فوقه عشان ما يحصلش عدوى.
- ميزتها إنها بتبقى مدفونة جوه الجلد فمش بتسيب علامات (Stitch marks) وبالتالي مش بتسيب علامة (الخياطة التجميلية).
- يفضّل استخدام خيط Non-absorbable 4/0 على الأقل ويكون رفيع عامل زي الاستيك لما نشد هيمط معاك مش هيتشد.
- في أول 1/3 للجرح نقرّب الغرز على قد ما نقدر بس بعد كده عادي.
- لما نطلع بالإبرة من ناحية وتيجي نخش الناحية التانية ما نخلّصش قصادها على طول، نرجع ورا شوية.
العلاج
خياطة جرح عميق (مع قطع بالعضلات)
| الطبقة | نوع الغرزة | الخيط والإبرة |
|---|---|---|
| 1) العضلات | بسيطة منفصلة أو مرتبة أفقية | Vicryl 3/0 إبرة مستديرة (Rounded) |
| 2) النسيج تحت الجلد | بسيطة مقلوبة (Inverted) | Vicryl 3/0 إبرة مستديرة |
| 3) الجلد | بسيطة منفصلة أو مرتبة رأسية | Prolene 4/0 إبرة قاطعة (Cutting) |
Vicryl = خيط ماص (يتحلل)، وProlene = غير ماص (ينشال). الرقم الأقل (مثلاً 4/0) أرفع من 3/0. الإبرة المستديرة للأنسجة اللينة العميقة، والقاطعة للجلد. تُختار الغرز حسب الموضع وتوتر الجرح وأمر الطبيب.
دور التمريض
ماسك الإبر، ملقاط، مقص، خيط بالنوع والرقم والإبرة المطلوبة، شاش معقم.
الاسم، الرقم، ماص/غير ماص، قاطعة/مستديرة، تاريخ الصلاحية.
عدّ الإبر قبل وبعد، وتخلص من الحاد في صندوق الأدوات الحادة.
وضع الطرف وتجهيز الشاش.
نظّف وغطّي، سجّل عدد الغرز ونوع الخيط وتاريخ الفك المتوقع.
علامات الخطر
- نزيف مستمر بعد الخياطة
- احمرار وسخونة وصديد
- حواف الجرح لونها شاحب أو أزرق (شد زائد)
- وخز إبرة للممرض: بلّغ وفق بروتوكول الوخز
تثقيف المريض
- الغرز بتتفك في الميعاد المحدد.
- حافظ على الجرح جاف ونضيف.
- راجع لو ظهرت علامات التهاب.
نقاط مهمة
- البسيطة المنفصلة الأكثر تجميلاً
- المرتبة الرأسية للحواف المتباعدة والنزيف والمفاصل
- المرتبة الأفقية للكف وباطن القدم والعضلة
- النصف مرتبة للرفرف المثلثي
- الجرح العميق: عضلة ثم تحت الجلد ثم جلد
- تحت الجلد للجرح النضيف بدون علامات
