تسمم الفسيخ (البوتيوليزم)
Botulism
شلل نازل بيبدأ من الجفون بعد فسيخ أو رنجة: المصل المضاد والتنفس.
ما هو المرض؟
سببه سمّ بكتيريا بتنمو في سمك مش مطهي كويس ومملّح، أشهرها الفسيخ والرنجة.
القواعد العامة (ABC، التاريخ، الدعم، المراقبة): القواعد العامة في التعامل مع حالات التسمم.
الأعراض والعلامات
| المرحلة | الأعراض |
|---|---|
| هضمية (تبدأ الأول) | ترجيع (Nausea & vomiting)، ألم بطن، إسهال |
| عصبية — شلل نازل (Descending paralysis) | تساقط الجفون أول حاجة (Ptosis)، زغللة (Blurred vision)، تقطّع في الكلام (Dysarthria)، فقدان منعكس البلع (Gag reflex)، ضعف عضلات (يدين ثم رجلين)، فشل تنفسي |
- مفيش حرارة عادة والوعي سليم.
- عند لمس مؤخرة الحلق بخافض لسان مش هتلاقيه عايز يرجع.
- ارتخاء شديد في الجسم.
الفحوصات
- التشخيص إكلينيكي (تاريخ أكل + شلل نازل)؛ تحليل التوكسين في العينة.
- قياس السعة الحيوية (FVC) والتنفس بشكل دوري.
العلاج
لازم تتحول للمستشفى أو مركز السموم بعد الرعاية الأولية لأخذ المصل المضاد (Anti-Botulinum Toxin).
تحديث
أعطِ المصل مبكراً بدون انتظار التحاليل، مع دعم تنفسي (تهوية ميكانيكية عند اللزوم). تجنّب الأمينوجليكوزيدات (تضعف العضلات). بلّغ الصحة العامة.
دور التمريض
- راقب التنفس (SpO2، معدل، سعة حيوية) كل 1–2 ساعة وجهّز تنفس صناعي.
- ضع الرأس مرتفع وتجنب إطعام بالفم مع اختلال البلع.
- عناية بالعين والفم ومنع القرحات والجلطات.
- أبلغ الاشتباه؛ اسأل عن الآخرين الذين أكلوا نفس الأكل.
علامات الخطر
- تساقط جفون + زغللة
- ضعف بلع/كلام
- ضيق تنفس
تثقيف المريض
- تجنّب الفسيخ والرنجة غير المطهية أو مجهولة المصدر.
- التخزين الصحيح لأطعمة معلّبة.
نقاط مهمة
- فسيخ/رنجة + شلل نازل = بوتيوليزم.
- تساقط الجفون أول حاجة.
- المصل المضاد والدعم التنفسي.
- التحويل لمركز سموم.
